Вяршыцкая Тамара Рыгораўна – беларускі краязнавец, музеезнавец, перакладчык мемуарнай літаратуры.

Нарадзілася ў 1957 годзе ў вёсцы Ягадзень Іўеўскага раёна.

Скончыла Мінскі інстытут замежных моваў.

У 1989-2015  гг. –  узначальвала Навагрудскі гісторыка-краязнаўчы музей.

Унесла значны ўклад у стварэнне і арганізацыю работы музея, даследаванне гісторыка-культурнай спадчыны Навагрудчыны.

Асаблівую ўвагу ўдзяляе вывучэнню падзей, якія адбываліся на Навагрудчыне ў перыяд Вялікай Айчыннай вайны. Разам з рэспубліканскімі і міжнароднымі арганізацыямі глыбока даследуе тэму яўрэйскага супраціўлення ў Навагрудку ў перыяд Халакосту.

З’яўляецца аўтарам перакладу 3-х мемуарных кніг з англійскай і польскай моў на беларускую.

З’яўляецца заснавальніцай «Музея габрэйскага супраціву» ў Наваградку, экспазіцыя якога расказвае пра гісторыю самых паспяховых у Еўропе ўцёкаў яўрэяў з нямецкага гета.

“Я адчула, што раблю нешта важнае, калі занялася тэмай вайны… Я пачала шукаць жыццё ў трагедыі, пачала шукаць гісторыі, калі праяўлялася чалавечнасць. Справа майго жыцця – паказаць чалавечыя адносіны ў любых абставінах”.