Ханевіч Міхаіл Дзмітрыевіч – доктар медыцынскіх навук, прафесар (1994 г.), урач-хірург і лекар-анколаг

вышэйшай кваліфікацыйнай катэгорыі, акадэмік Расійскай акадэміі прыродазнаўчых навук (2004), акадэмік Міжнароднай акадэміі холаду (2007), лаўрэат прэміі Урада Расійскай Федэрацыі ў галіне навукі і тэхнікі (2014), заслужаны ўрач Расійскай Федэрацыі (2002), заслужаны дзеяч навукі Расійскай Федэрацыі (2009), палкоўнік медыцынскай службы ў адстаўцы.

Лаўрэат сярэбранага медаля І. Мечнікава “За ўклад у здароўе нацыі”.

Галоўны хірург анкалагічнага цэнтра ў Санкт-Пецярбургу.

М. Д. Ханевіч карыстаецца заслужаным аўтарытэтам навуковай і медыцынскай грамадскасці, ён унёс значны ўклад у развіццё расійскай і сусветнай медыцынскай навукі і практыкі.

Нарадзіўся Міхаіл Дзмітрыевіч 20 снежня 1954 г. у вёсцы Купіск Навагрудскага раёна.

Працоўную дзейнасць пачаў у 1974 г. пасля заканчэння Слонімскага медыцынскага вучылішча фельчарам Дзяляціцкага фельчарска-акушэрскага пункта.

У 1975 г. паступіў і ў 1981 г. з адзнакай скончыў Ваенна-медыцынскую акадэмію ім. С. М. Кірава. Падчас навучання ў якой быў ганараваны атрымання Ленінскай стыпендыі. Вучобу паспяхова спалучаў з навукова-даследчай працай у Ленінградскім НДІ эксперыментальнай медыцыны.

У 1984 г., пасля трохгадовай службы вайсковым лекарам, М. Д. Ханевіч паступіў у ад’юнктуру пры кафедры хірургіі ўдасканалення ўрачоў Ваенна-медыцынской акадэміі (ВМА) ім. С. М. Кірава. Пасля паспяховай абароны кандыдацкай дысертацыі, прысвечанай даследаванню патагенезу эндатаксікоза пры перытаніце, быў прызначаны старэйшым ардынатарам, а неўзабаве і выкладчыкам гэтай кафедры.

Абароненая ў 1993 г. доктарская дысертацыя тычылася вывучэння праблем патагенезу і лячэння энтэральнай недастатковасці пры перытаніце і кішачнай непраходнасці. Вузлавыя моманты гэтай працы ляглі ў аснову наступных манаграфій.

Асабліва ярка выявіліся якасці кіраўніка навукова-педагагічнага калектыву пасля прызначэння яго ў 2000 г. начальнікам кафедры ваенна-палявой (ваенна-марской) хірургіі Дзяржаўнага інстытута ўдасканалення ўрачоў МО РФ (г. Масква).

На працягу кароткага часу М. Д. Ханевіч заваяваў аўтарытэт сярод хірургаў горада Масквы і Маскоўскай вобл., уключаны ў склад праўлення Хірургічнага таварыства Масквы, быў абраны старшынёй праўлення таварыства ваенна-палявых і ваенна-марскіх хірургаў. У 2002 годзе яму прысвойваецца ганаровае званне «Заслужаны ўрач РФ».

Навуковы і практычны цікавасць Міхаіла Дзмітрыевіча да крыяхірургіі звязаны з прызначэннем ў 2005 г. намеснікам галоўнага ўрача па хірургіі Санкт-Пецярбургскага гарадскога клінічнага анкалагічнага дыспансера. У гэты перыяд ім пачынаюцца даследаванні па ўжыванні крыоўздзеяння падчас аперацый з нагоды пухлін печані, падстраўнікавай залозы, злаякасных утварэнняў скуры і мяккіх тканін.

У 2011 г. на 16-ым Венскім Сусветным крыохірургічным кангрэсе праца М. Д. Ханевіча па ўжыванні крыоўздзеяння пры радыкальных аперацыях з нагоды рака падстраўнікавай залозы была ўдастоена залатога медаля таварыства, а ў 2013 г. на 17-ом Сусветным крыохірургічным кангрэсе (Балі, Інданезія) М. Д. Ханевіч абіраецца віцэ-прэзідэнтам Сусветнага крыохірургічнага таварыства. Праца па выкарыстанні інавацыйных тэхналогій, уключаючы крыоўздзеянне, пры хірургічным лячэнні саркомаў мяккіх тканін была прызнана лепшай сярод конкурсных работ у галіне онкахірургіі, прадстаўленых на VIII Усерасійскім з’ездзе анколагаў (Санкт-Пецярбург, 2013). За распрацоўку і ўкараненне ў клінічную практыку крыохірургічных метадаў пры лячэнні пухлін печані і падстраўнікавай залозы М. Д. Ханевіч узнагароджаны прэміяй Урада РФ у галіне навукі і тэхнікі за 2013 г.

М. Д. Ханевіч высакакласны хірург, свабодна валодае складанымі хірургічнымі ўмяшаннямі на органах грудзей , жывата і малога таза. Валодаючы высокім навуковым і педагагічным патэнцыялам, ён умела кіруе хірургічнай службай адной з самых буйных анкалагічных устаноў Расіі.

М. Д. Ханевіч з’яўляецца аўтарам больш за 300 навуковых прац, у тым ліку 15 манаграфій па актуальных пытаннях онкахірургіі і кіраўніцтваў для ўрачоў. Пры яго кансультацыях і пад кіраўніцтвам абараняюцца доктарскія і кандыдацкія дысертацыі. Улічваючы заслугі ў галіне крыомедыцыны і крыяхірургіі у прыватнасці, М. Д. Ханевіч абіраецца членам Міжнароднай акадэміі холаду, а таксама ўваходзіць у склад рэдакцыйнай калегіі навукова-тэарэтычнага часопіса «Веснік Міжнароднай акадэміі холаду».

У 2017 годзе у свет выйшаў аўтабіяграфічны паэтычны зборнік М.Д. Ханевіча «Па хвалі маёй памяці», у якім ён піша пра родны край (вёску Купіск, аднавяскоўцаў), пра сваё жыццё, навучанне і працу.

 

 

 

 

 

 

 

Бібліяграфія:

1. Ханевич, М. Д. По волне моей памяти / Михаил Дмитриевич Ханевич. – Санкт-Петербург : Аграф +, 2017. – 63, [1] с.

2. Medici Peterburgiensi (пецярбургскія медыкі). Міхаіл Змітрыевіч Ханевіч // Беларускі Пецярбург / Мікола Нікалаеў. – Санкт-Пецярбург : Агентство “ВиТ-принт”, 2009. – С. 380 –381.